María López Díaz

Short CV

Doutora en Xeografía e Historia (Historia) pola Universidade de Santiago (1994) e profesora de historia moderna da Facultade de Historia (da Universidade de Vigo) dende 1995. Foi directora do departamento de Historia, Arte e Xeografía da Universidade de Vigo. Especialista en historia política e institucional, é autora de numerosas publicacións, relatorios e comunicacións a Congresos nacionais e internacionais. Dedicou gran parte da súa actividade investigadora ao estudo dos poderes e institucións locais, territoriais e intermedios de Galicia, así como á relación destes poderes coa Coroa e a conflitividade xurisdicional do Antigo Réxime. Destacan os seus cinco libros como autora, en particular: Gobierno y hacienda municipales: Los concejos de Santiago y Lugo en los siglos XVI y XVII (1996); Señoría y municipalidad. Concurrencia y conflicto de poderes en la ciudad de Santiago (ss. XVI-XVII) (1997) e Jurisdicción e instituciones locales en la Galicia meridional (siglos XVI-XVIII) (2011). Igualmente foi editora doutras cinco monografías, entre elas a Homenaxe ao profesor Xosé Manuel Pérez García, 2 vols. (2011) e Élites y poder en las monarquías ibéricas: del siglo XVII al primer liberalismo (2013). Nos últimos quince anos participou en seis proxectos de investigación autonómicos ou nacionais, os dous últimos do Ministerio como IP. Grazas a eles a equipa de investigación que dirixe está a publicar a obra colectiva Cuadernos Feijonianos de historia moderna, que vai polo número catro (2013). Na actualidade é directora da revista Minius e investigadora principal dun proxecto do Ministerio de Economía e Competitividade orientado ao estudo da instauración da monarquía borbónica e as súas consecuencias no reino de Galicia (2013-2015).